lundi 30 avril 2018

Zournal Fanal N° 18

Zournal Démaliz i fé konèt azot Zournal FANAL N° 18 Avri 2018. Louk ali andsou dosi zot paz...

Paz Fasbouk Fanal : https://fr-fr.facebook.com/fanalrun/

 https://fr-fr.facebook.com/fanalrun/

Rédaksion Zournal Démaliz 

mercredi 18 avril 2018

Fo fé in vot popilèr po stati départman lé anplas akoz ?

Péi Kolonizé
Po Lir ou Rolir

Kome té zamé domann pèp rénioné kèl stati politik zot té vé po nout péi alor i fo léta kolonialis fransé i organiz vitman in vot popilèr po konèt kosa lo pèp rénioné i vé po lavnir Larénion minm si nou koné déza lo rézilta an rèspé po la démokrasi. Péi lafrans na lobligasion mèt anplas in vot popilèr pars po sat i koné pa an 1946 kan lafé rant Larénion in départman fransé lo pèp rènioné té pa konsilté èk in vot po konèt kèl lavnir lo pèp rènioné té vé alor lo stati départman lé anplas tank nora pwin in vot popilér lé ilégal lé in fonn kilot san valèr.
Rédaksyon Zournal Démaliz 

Arèt larg zot gro pléré

Po Lir ou Rolir

Néna bonpé domoun é désèrtin dann milié kiltirèl départmantalizé i di fo mèt dann bann post rèsponsabilté dann ladministrasion kolonial bann rénioné mèt in inpostur zorèy (fransé) ou rénioné départmantalizé i sanz arpa aryin sra touzour minm politik kolonialis anplas po sabouk anou. Séposa Zournal Démaliz i di tank nou sra anmaré èk lafrans na pwin aryin wa sanzé po lo pèp rènioné wa désid parliminm sra lo zour li wa désid pran lo péi an min. Alor po sat i défann sistinm kolonialis anplas lé normal bana na lo drwa osi pran bann post i propoz azot isi Larénion ousa ou pé anpès léta fransé anvoy zot bann migran isi zot i koné pa ankor kosa i vé di lo mo kolonialis lé kolonizé po komandé èk zot bann valé lé mi anplas i anpès pa zot sobat po zot drwa mé bann rovandikasion konmsa sra maliz po ginyé wa done in ti plas rénioné sar zis po taz zot gèl si po mèt in rénioné départmantalizé po totos bann domoun atèr i sèrv aryin akoz zot i sobat pa plito po libèr nout péi pars zot i koné nora pi fasilté larzan lafrans po anminm zot vi bourzoizi lokal séposa bann domoun i lit kont sistinm lé anplas rant pa dan zot fotrin bana. Sakinn i dwa swazi son kan.

Po konèt :

Rénioné départmantalizé (lé domoun amaré i vé pa kit lafrans)
Rénioné indépandantis (i vé kit lafrans)

Rédaksion Zournal Démaliz