mardi 27 novembre 2018

Kozé nout Gouvernman Kontkolonial

NOU PE PA RES BRAKRWAZE DOVAN LA REPRESION KOLONIAL FRANSE I FO NOU LEV ANSANM



Kozé nout Gouvernman Kontkolonial : LOKTRWA MER IN GOB KOLONIAL PO TIR ALI I FO DEGRINN LO SISTINM

I fo dir la vérité rénioné, arèt fé krwar ke na riynk Larénion nasa. An Frans osi na loktrwa mer. Mé par rapor in not "départman fransé" ousa lo Gouvernman i anvoy larzan kom i fo isi Larénion la di anou dopi lo débu "lève l'impôt" nou minm po fé tourn nou péi parnoumin. Aprésa la di aou ou lé fransé. Tir loktrwa mer zordi lé "paradoxale" sé fout nout péi o fon ... la Frans kolonial la mèt anou dan in gob. Mwin mi kontini pansé ke sé bann prim kolonial ki ral anou atèr an promié. Poz anou la kèstion eske na loktrwa mer su bann prodwi rénioné i manz toulézour. Tir loktrwa mer zordi po fé kom la Frans toutsat nou manz isa ogmanté ziska 20%. I fo di la vérité ...

Gouvernman Kontkolonial : 

Facebook Gouvernman Kontkolonial : 

Twitter Gouvernman Kontkolonial  : 

Po Kontak Gouvernman Kontkolonial :  gouv.run@yahoo.com

vendredi 23 novembre 2018

Program Politik nout péi té validé lo 11 novanm 2018

Zournal Démaliz i fé konèt azot program politik Répiblik Kontkolonial Larénion. Télésarz ali, lir ali,  fé konèt ali partou... Sa nout vizion po nout péi.


Lien po télésarzé : 
https://www.facebook.com/…/361249654441041/PROGRAM%20POLITI… 

Po louké osi dosi :

Facebook Gran Konsey Kontkolonial : https://www.facebook.com/lo.gran.konsey.kontkolonial/

Facebook Gouvernman Kontkolonial : https://www.facebook.com/gouv.run/

Twitter Gouvernman Kontkolonial : https://twitter.com/gouv_run

Facebook Gran Lasanblé Kontkolonial : https://www.facebook.com/LaRenyonKontkolonial/?ref=page_internal

Po Kontak Gouvernman Kontkolonial :  gouv.run@yahoo.com

Zournal Démaliz ''Zournal Kontkolonial''

Kominiké nout Gouvernman Kontkolonial




jeudi 22 novembre 2018

Konstitision nout péi té validé lo 11 novanm 2018

Zournal Démaliz i fé konèt azot konstitision Léta Rénioné dodan la néna 15 Paz ,12 Sapit ,110 zartik .Télésarz ali, lir ali,  fé konèt ali partou... 

Lien po télésarzé : 

Po louké osi dosi :

Facebook Gran Konsey Kontkolonial : https://www.facebook.com/lo.gran.konsey.kontkolonial/

Facebook Gouvernman Kontkolonial : https://www.facebook.com/gouv.run/

Twitter Gouvernman Kontkolonial : https://twitter.com/gouv_run

Facebook Gran Lasanblé Kontkolonial : https://www.facebook.com/LaRenyonKontkolonial/?ref=page_internal

Po Kontak Gouvernman Kontkolonial :  gouv.run@yahoo.com


Zournal Démaliz ''Zournal Kontkolonial''

mercredi 21 novembre 2018

Arèt èk sa

PO LIR OU ROLIR  

( Zournal Démaliz i fé arviv azot bann zartik fine difizé tèrla minm é lé touzour dan laktialité nout péi) Gayar lèktir azot.

(préférence régionale, priorité ou régionalisation des emplois, préférence réunionnaise, done travail kréol) ala bann kozé bann départmantalis i koz akoz zot sistinm départmantalis la bord azot forstan fé lo makro astèr na pi riyin po zot lé bordé. Alor i fo po bann rénioné i sobat kont tout kalité kolonialis fransé isi Larénion i tonm pa dan zot pièz lès azot dan zot manzé gaté antrozot sa lé zot konba fransé é fo rénioné. Zot i pé pa di zot lé fransé kan i aranz azot é domann bann lwa èspré po koloni Larénion kan zot laswazi défann sistinm kolonial départmantalis fo rèspèk bann règloman-lwa fransé lé mi anplas. Alor tonm pa dan zot propagand départmantalis i fo sa, i fo si, po Larénion. Sèl solision po nou désid ponouminm sé pran nout péi dan nout min po arèt giny koud fwèt kolonial fransé sé lo konba bann kontkolonial i dwa konsantr ali dosi lès bann kolonizé départmantalis démèrd azot èk zot sistinm pouri.

Rédaksion Zournal Démaliz – ''Zournal Kontkolonial''


Po konèt :

Si zot i ropran lartik po fé konèt oubli pa di ousa i sort i kont si zot.

Rédaksion Zournal Démaliz – ''zournal Kontkolonial'' http://zournal-demaliz.blogspot.com/

KOD 974 ALON DEGRINN ALI

PO LIR OU ROLIR  

( Zournal Démaliz i fé arviv azot bann zartik fine difizé tèrla minm é lé touzour dan laktialité nout péi) Gayar lèktir azot.

KOD 974 =

Lasistana
Dominasion
RSA
Réprésyon
Lasimilasion
Zistis makro
Somaz andémik
Kolonizasion
La drog
Déportasion nout zénès
Lalkol an poundiak
Zabizèr
Sex an makotaz
Rénioné vandèrki
Mandisité
Larzan Gaspiyé
Lavi sèr
Polision
Lo vis larzan
Pansé inik
Koripsion
Bordaz nout lidantité partou
Lanprofitaz
Bordaz nout lang kréol partou
Lanalfabétik 
Bordaz rénioné dan son péi
Konsomasion sovaz...

Alor dan Larénion lib sé fini èk tousala rès èk lo kod 974 sé kontinié é domann souplé é lès bana tyé nout péi

Rédaksion Zournal Démaliz – ''Zournal Kontkolonial''


Po konèt :

Si zot i ropran lartik po fé konèt oubli pa di ousa i sort i kont si zot.

Rédaksion Zournal Démaliz – ''Wèb Zournal Larényon'' http://zournal-demaliz.blogspot.com/

jeudi 8 novembre 2018

Kozé Félix CLAIN prézidan Gran Konsey Kontkolonial

Dimans 11 novanm 2018 Gran Konsey Kontkolonial wa propoz azot prézantasion prozé konstitision Léta Rénioné manda zot la done anou lo 5 novanm 2017 dan léo Sinlé po lo promié Gran Lasanblé Kontkolonial alor po valid ali lé sat sra la dimans an vot wa done nout konstitision tout son lézistans sra in zarlor po nout Léta Rénioné in gid po nout domin.

Rapel zinformasion po zot konèt :

Léta Rénioné lé bann zinstitision Gran Lasanblé Kontkolonial – Gran Konsey Kontkolonial – Gouvernman Kontkolonial. Alorse Dimans 11 novanm 2018 sikoté Larivyèr Sin Lwi  somin Hubert Delisle ( kan zot lé dosi somin Silaos zis avan la krwa zibilé tourn agosh dirèksion Tapaz- Lé Mak – 1 km pardovan nora pano po fé konèt azot) 8 tèr lo matin apartir nou atann azot po lo 2ème Gran Lasanblé Kontkolonial  po vot konstitision Léta Rénioné, lwa dékrété, program politik, wa élir 6 dépité kontkolonial ( nora dé list 6 kandida sakinn LPLP kondui par Fabrice ELIZABETH é NASION kondui par Eddy VIENNE. Zourla po giny voté fo zot lé inskri dosi list élèktoral léta rénioné é néna zot Kart Lidantité Larénion. 

Po sat na pwin zot i pé nir partisipé mé zot i poura pa voté sra lokazion domann zot kart. 

Kontak : gouv.run@yahoo.com

Félix CLAIN prézidan Gran Konsey Kontkolonial

Landrwa po zot konèt Gran Lasanblé Kontkolonial

GRAN LASANBLE KONTKOLONIAL - GLK
ALA LA KART PO TROUV OUSA NOULE
DIMANS 11 NOVANM 2018 


mardi 6 novembre 2018

GRAN LASANBLE KONTKOLONIAL - GLK

Rankont Léta rénioné ek bann zournalis granmatin Tansalé po prézant azot nout rasanbloman dimans 11 novanm 2018 Larivièr Sinlwi.


jeudi 1 novembre 2018

Bann list po zélèksion dimans 11 novanm 2018

GRAN LASANBLE KONTKOLONIAL - GLK
ZELEKSION DEPITE KONTKOLONIAL
Nora 2 list po zélèksion dimans 11 novanm 2018 sat Fabrice Elisabeth (LPLP) é sat Eddy Vienne (NASION)


Kozé Fabris dann Lékol Lékolozi é Kosté Pèp Loséan Indien

A la sat mwin la di é propazé dann Lékol Lékolozi é Koste Pép Loséan Indyin.

Larényon lé sou l'anprize le kapitalism la fransé ék l'erop.

Se kapitalis la i itilis in supore kolo-nial, é mi présize byin kolo-nial é non kolo-nial, kar la Rényon la pa aréte d'éte modlé azansé transformé éksplwaté par la frans é l'erop kolo-nial.

Pou satisfère le bann bezwin é le bann intéré le kapitalis le kolo-nialism la struktur é la organiz in asimilasion su le pepe Larényon kalé sur le modèle la frans ék l'erop.

L'asimilasion la la rédui le pep Larényon a in popilasion ke néna bann bezouin matèriél é imatèrièl i giny èt konblé ke par bann produi matèrièl é imatèrièl i sort dan le kapitalism.

Léksplwatasion Larényon èk son pèp par la frans èk l'erop kolo-nial néna bann konsékans ke lé inkontéstabe su l'ékosistèm Larényon, Loséan Indyin, La planèt .

Le bann rapor umin ant le bann pep Loséan Indyin lé osi afékte par la prézanse de se bann anité kolo-nial é kapitalis.
La popilasion néna astèr su la réunion lé kondisio-né par la sosiété de kosomasion i vwa le bann drame umin néna dann Loséan Indyin kom bann fé divère ispas a l'étranzé.

Larényon ék son pèp lé tousour sou l'anpriz é la domi-nasion kolo-nial la frans é l'erop.
Loséan Indyin é son bann pèp i subi de nouvo la presion kolo-nial.

Le bann pep Loséan Indyin i dwa unire a zot, tise bann lyin d'amoure d'amitye é de respé pour se préparé a lut konte le boulversman le baskilman l'ékosistèm la pla-nét su la kèl nou vive.
A la sat 
Si tout bann mové zistwar i répète a nou pèp Loséan Indyin nou dwa unir a nou égalman pou lut kont la diksion a-nounse d'in tèks légaliszan le néo-kolonialis.

Zélèksion Dépité Kontkolonial


vendredi 26 octobre 2018

lundi 15 octobre 2018

ZELEKSION DEPITE KONTKOLONIAL

Kan va fé lo Gran Lasanblé Kontkolonial lo dimans 11 novanm 2018 nora osi in zélèksion Dépité Kontkolonial. Sat i ve fé in list (6 kandida andsu) domann toutswit lo dokiman po alé zélèksion. Aprésa i fodra dépoz zot list ek Gouvernman Kontkolonial Samdi 20 oktob apartir zisko Merkredi 31 oktob plitar.



Dimans 28 oktob 2018 Zourné Intèrnasional Kréol


samedi 13 octobre 2018

Kominiké LPLP

ZELEKSION DEPITE KONTKOLONIAL

Fabrice Elisabeth conduira la liste du LPLP et défendra les couleurs du mouvement indépendantiste, aux élections législatives du 11 novembre 2018. Il est le Président du Gran Lasanblé Kontkolonial depuis bientôt un an.


mercredi 10 octobre 2018

Kominiké Gouvernman Kontkolonial

        LIST ELEKTORAL LETA RENIONE


Zot na zisko merkredi 31 oktob 2018 po inskrir azot, po sat lé pa ankor andsu (domann zot Kart Lidantité Larénion) Aprésa sra tro tar po gingn voté lo zour lo Gran Lasanblé Kontkolonial lo Dimans 11 novanm 2018.
Parey po sat i ve fer in list po alé zélèksion Dépité Kontkolonial zour la.


Gouvernman Kontkolonial :  https://www.facebook.com/gouv.run/

lundi 1 octobre 2018

Zinfo Gouvernman Kontkolonial

TANSION PANGAR - LIST ELEKTORAL - KLL

Nou rapèl azot ke tout sat té la promié Gran Lasanblé Kontkolonial lo 5 novanm 2017, sat la eskiz azot lavé pa gingn nir (po sat na zot Kart Lidantité Larénion) ... é toutsat la fé zot Kart Lidantité Larénion dopi dat la, zot lé inskri dirèk (otomatikman) si lo list élèktoral nou va anservir lo dimans 11 novanm 2018. Lo list élèktoral lé ankor ouver zisko 31 oktob 2018 si zot na pwin ankor zot kart Lidantité Larénion fé ali vitfé kom i di, po gingn désidé, po gingn voté.


Gouvernman Kontkolonial :  https://www.facebook.com/gouv.run/

Zinfo Gran Lasanblé Kontkolonial


In paz lévinnman Gran Lasanblé Kontkolonial po kontinié nout konba kontkolonial.


Nou rapèl azot kin Komité espésial lo Gran Lasanblé Kontkolonial la dékrèt lo promié lwa rénioné lo 25 mars 2017 - Lwa-Dékrété 2017-GLK001/KE2503 - po dégrinn lo sistinm kolonial é travay po 
Larénion dan tout son diversité kiltirèl é dan tout son dimansion sosial é ékonomik, po fénésans in léta rénioné ek in Gran Konsey é in Gouvernman Kontkolonial.
Li la mazinn in Gran Konsey Kontkolonial, ek in pwindvizé, mèt an plas in konstitision po in léta rénioné. In Léta y rovandik nout léritaz, sat y prann an kont listwar lèsklavaz ek la 
kolonizasion dopi 1663 ziska zordi.
Sa té konfirmé dann in Shart Kontkolonial lo 14 zilié 2017 - Lwa-Dékrété 2017-GLK/KE1407 - é par lo promié rénion espésial lo Gran Lasanblé Kontkolonial lo 5 novanm 2017.

Na in nan Le Gran Konsèy kontkolonial èk Le Gouvèrnman Kontkolonial la prann in langazman dovan zot, lo dimans 11 novanm 2018 banna va rovnir ek in prozé Konstitision, in prozé Lwa ek in prozé politik po fé valid ali par lo Gran Lasanblé Kontkolonial.
Zour la nora osi in zélèksion Dépité Kontkolonial po striktir nout Gran Lasanblé Kontkolonial.
Aprésa va mèt an plas in not Gouvernman Kontkolonial ek in not Gran Konsey Kontkolonial kom lé di dan nout prozé Konstitision.


vendredi 6 juillet 2018

Domand zot Kart Lidantité Larényon

Po viv è mèt anlèr zot sitwayèneté rényoné fé vitman zot domann Kart Lidantité Larényon lir byin lo kozé nout Gouvèrnman kontkolonial andsou é fane ali po laksion sitwayin. Lé inportan zot néna zot kart po partisip lavi nout Léta Rénioné. Alon tyinbo.

lundi 30 avril 2018

Zournal Fanal N° 18

Zournal Démaliz i fé konèt azot Zournal FANAL N° 18 Avri 2018. Louk ali andsou dosi zot paz...

Paz Fasbouk Fanal : https://fr-fr.facebook.com/fanalrun/

 https://fr-fr.facebook.com/fanalrun/

Rédaksyon Zournal Démaliz ''In Not Manirwar Lavnir Larényon'' 

mercredi 18 avril 2018

Fo fé in vot popilèr po stati départman lé anplas akoz ?

Péi Kolonizé
Po Lir ou Rolir

Konm té zamé domann pèp rényoné kèl stati politik zot té vé po nout péi alor i fo léta kolonyalis fransé i organiz vitman in vot popilèr po konèt kosa pèp rényoné i vé po lavnir Larényon minm si nou koné déza lo rézilta an rèspé po démokrasi péi lafrans na lobligasyon mèt anplas in vot popilèr pars po sat i koné pa an 1946 kan lafé rant Larényon in départman fransé pèp rènyoné té pa konsilté èk in vot po konèt kèl lavnir lo pèp rènyoné té vé alor lo stati départman lé anplas tank nora pwin in vot popilér lé ilégal lé in fonn kilot san valèr.
Rédaksyon Zournal Démaliz - ''In Not Manirwar Lavnir Larényon''

Arèt larg zot gro pléré

Po Lir ou Rolir

Néna bonpé domoun é désèrtin dann milyé kiltirèl départmantalizé i di fo mèt dann bann post rèsponsabilté dann ladministrasyon kolonyal bann rényoné mèt in zorèy ou rényoné départmantalizé i sanz arpa aryin sra touzour minm politik kolonyalis anplas po sabouk anou. Séposa Zournal Démaliz i di tank nou sra anmaré èk lafrans na pwin aryin wa sanzé po lo pèp rènyoné wa désid parliminm sra lo zour li wa désid pran lo péi an min. Alor po sat i défann systèm kolonyalis anplas lé normal bana na lo drwa osi pran bann post i propoz azot isi Larényon ousa ou pé anpès léta fransé anvoy zot bann migran isi zot i koné pa ankor kosa i vé di lo mo kolonyalis lé kolonizé po komandé èk zot bann valé lé mi anplas i anpès pa zot sobat po zot drwa mé bann rovandikasyon konmsa sra maliz po ginyé wa done in ti plas rényoné sar zis po taz zot gèl si po mèt in rényoné départmantalizé po totos bann domoun atèr i sèrv aryin akoz zot i sobat pa plito po libèr nout péi pars zot i koné nora pi fasilté larzan lafrans po anminm zot vi bourzwazi lokal séposa bann domoun i lit kont systèm lé anplas rant pa dan zot fotrin bana. Sakinn i dwa swazi son kan koméla.

Po konèt :

Rényoné départmantalizé (lé domoun amaré i vé pa kit lafrans)
Rényoné indépandantis (i vé kit lafrans)

Rédaksyon Zournal Démaliz - In Not Manirwar Lavnir Larényon