lundi 1 juin 2015

Vié zartik '' Tourism ''

Po zot konèt :

Bann zartik té finé difizé dopi avan astèr zot i rotrouv sa si lo nouvo Blog Zournal Démaliz

Kisa ilé bann touris i vin Larénion

Lo bann touris i vien Larénion lo kantité i débark lé bann fransé é lé bann rénioné la zimigré laba i vien rod in pé la fors lé sirtou pèryod vakans zien é fin lané lo rès lé in ti pé i sort dan lé zot péi. Koméla ou néna tout kalité touris i débark, ou néna sat i vien po dékouv nout péi, néna sat i vien po fé la fèt, néna sat i vien po anprofit bann tantine larénion apré la di azot néna la viand po manzé, (i apèl sa touris lamizman), néna i vien po rèsté i vé pi alé, ou néna touris zavat dwat pié. Kan bann zorganism i okip fé nir touris Larénion i di touris néna bonpé lapa vré pars la mazorité i sort an frans i tyinbo nout péi sé bann vakansié rénioné, na riyink awar èk bann touris i vien dann bann péi loséan indien ousa i sort in pé partou. In mazinasion kisa i anprofit tousa la pa domoun atèr, mé touzour sat i tyinbo lo sistèm lé tout in lorganizasion po antrotien zot portmoné.

Rédaksion Zournal Démaliz 

Po konèt :

Si zot i ropran lartik po fé konèt oubli pa di ousa i sort i kont si zot.

Rédaksion Zournal Démaliz –  http://zournal-demaliz.blogspot.com/