mercredi 3 juin 2015

Tir malol dann zié rénioné

Sé fé konèt tout lo malizé nout péi lé dodan zordi dan lo sistèm départmantalis é osi andéor…

- Bann rénioné kolonizé lapèr pran zot destin an min tansion i giny pi larzan fasilité èk lafrans.

- Bann rénioné kolonizé i profèr lasistana o lièrk pran zot destin an min.

- Lé lo bann vandèrki i anpès rénioné pran son destin an min.

- 974 la pa nout NASION. Larénion Nout Péi

- Kèl démokrasi kan sé larzan i komand la démokrasi. La démokrasi sé lo pèp i dwa désidé, mé pa lo pouwar larzan.

- Anon démay anou èk lo sistèm départmantalis ali minm la po fé nout malèr zordi.

- Latèr Larénion la pi anou koméla, sak néna larzan i akapar tout é sat i sort andéor. Anou ti maléré sé kazié lapin nout lavnir.

- Wi bann domoun azé na lo drwa la santé gratuit

- Ousa ilé lo promès la prézidant Konsèy Zénéral la di bann domoun azé sra péyé lo promié lo mwa po zot lalokasion rotrèt. Arèt ramas mantèr bann domoun azé.

- Po bann domoun lé bordé dan lo sistèm départmantalis, zot i wa ke tout lo bann politikèr na riyin nafout de zot sé larzan zot lanbision alor sé lokazion bord tout bann zélèksion kolonial.

- Oté pèp rénioné anon kas la sène lasistana po pran nout destin an min, po armèt dobout nout péi po di arèt tié nout nasion anon pran konsians po rotrouv nout dinité, nout si nou komans pa zordi kansa na komansé…

Dot wa nir apré...

Rédaksion Zournal Démaliz 

Po konèt :

Si zot i ropran lartik po fé konèt oubli pa di ousa i sort i kont si zot.

Rédaksion Zournal Démaliz – http://zournal-demaliz.blogspot.com/