mardi 2 juin 2015

Sitiasion politik Larénion

Lo koté politik

Avan nir in départman fransé an 1946, Larénion lé touzour inn koloni minm si lo sistèm départmantalis lé anplas i vé pa rokonèt ke lé in péi kolonizé par la frans.

Avan sa Larénion la vé giny bonpé non : Dina Morgabim, England Forest (1613), Santa Apollonia, Mascarenhas (1616), Bourbon (1649), La Réunion (1793), Bonaparte (1806) zordi la roni Larényon.

An lan 2015 lé touzour in départman fransé avèk in konsèy zénéral é in konsèy rézional in ladministrasion i antrotien lo sistèm kolonial na okin pouwar po travay èk bann péi otour nou, sé la frans i désid.

Tout lo bann parti politik i soutien la départmantalizasion droite kome gauche i défann lo stati départmantal, bann mouvman ou parti indépandantis lé kont la kolonizasion lé dann malizé po sobat kont sa.

Lo koté kiltirèl

Lé touzour sat i koloniz i tyinbo lo koté kiltirèl, si néna in rézistans kiltirèl lé bann militan lé an rosèrs zot lidantité la plipar sé bann fonksionèr kréol ke lé anganté dan ladministratsion kolonial la po rod zot lidantité kiltirèl mé fo pa fé konfians bann domoun là zot lé frazil i larg lo kor fasilman

Lo koté Lékonomi

Lékonomi lé dan la min bann rénioné lé anlèr é domoun andéor i fé tout po tyinbo zot profi, lé in lékonomi asisté.

Lo koté Bitasyon

Lo koté bitasion zordi na pi bonpé ti plantèr, lé bann plantèr la rant dan nouvo manièr travay lérop é lé sibvansioné par lérop.

An tou lo bann sèktèr lékonomi Larénion lé asisté é soupoudré èk larzan lafrans é lérop sansa na lontan té mor.

Ala an gro lo sitiasion politik Larénion.

Départmantalis : Bann domoun i vé rès fransé, rès dan lasistana
Indépandantis : Bann domoun i sobat po lindépandans Larénion i vé sort dan lasistana kolonialis fransé
Otonomis : i vé rès an dalonaz èk lafrans

Rédaksion Zournal Démaliz 

Po konèt :

Si zot i ropran lartik po fé konèt oubli pa di ousa i sort i kont si zot.

Rédaksyon Zournal Démaliz – http://zournal-demaliz.blogspot.com/