lundi 22 juin 2015

Péi-la lé tanou

Sakfwa i koz lindépandans ou Larénion i fé parti Lafrik bann rapas kolonizatèr fransé lé an bébèt dan zot kozé si lo web é bann média kolonial ala zot promié kozé i fé rir nadfwa lès azot bat zot lang vipèr i di Larénion sé bann kolon fransé la dékouvèr an promié ék bann domoun zot la déporté sikoté Lafrik po fé zèsklav si ti bout latèr-là.
Rapèl bann zistoiryin dann liv i di lé an 1663 i di pépléman Larénion i komans é si té bien avan navé déza zabitan té i viv déza kisa la ékri dat là dann liv po fé gob anou koulév eské lapa ankor in kolonizatèr po taz anou si nout listwar bann dat komansman nout pépléman fo pi nou tomb dann pièz fo pi krwar po listwar nout péi invanté par kolonialis fransé. Zordi bout latèr la na domoun i viv dosi la fé in pèp, in nasion tout koulèr i rod son libèrté la fini par apèl ali Larénion la pa bann rapas kolonizatèr wa rosort anou toultan dan zot kozé sé bann kolon fransé la dékouv Larénion fo pa krwar azot alor sakfwa zot i bat zot lang kisa la dékouv larénion fo dénonsé zot mové kozé kolonial. Wi noulé in pép, wi Larénion i fé parti Lafrik.
Rédaksion Zournal Démaliz 


Po konèt :

Si zot i ropran lartik po fé konèt oubli pa di ousa i sort i kont si zot.

Rédaksion Zournal Démaliz – http://zournal-demaliz.blogspot.com/