jeudi 7 juillet 2016

Kozman po lavnir larényon !

Mi done mon mazinasyon koman mi wa lavnir Larényon i kritik pa pèrsone lé mon pwinnvi si ral azot lir si ral pa zot lir pa dann mon kozman i apèl pa fé in révolisyon lé in koudzyé sat i pé atann anou inn sékat... Bon lèktir azot.

Kozé Félix po Zournal Démaliz in lékrikoz mwin la fé na in boutan sa mi di akoz pa partaz èk zot bon lèktir azot...

Po ti pé zindépandantis i rès é sat i lèv i krwa ankor bann zélèksyon kolonyal wa fé giny lindépandans Larényon rèv pa po linstan. Akoz ? Dann mon lékrikoz mi di sa pars bann rényoné lapèr kit lafrans lé tro anmaré minm sa té an salèr dan lo milyé zintèlèktyèl konm indépandantis la syé èk sa. Kan néna in lis indépandantis i prézant si po fé in ti % lavwa é san mwayin (na in pé i di fo alé ziskakan ? ) sra touzour moukaté pars lo pèp i yème lafrans zot sovèr po linstan. Bin zot wa di koman nirbou giny lindépandans Larényon zot i koné Zournal Démaliz léla po done son manirwar lavnir Larényon dan listwar tout bann pèp la sort sou lo joug bann kolonizatèr la plipar la giny zot lindépandans par lalit èk in rapor fors kont lokipan po Larényon sra oblizé pas parla mandoné si ariv pa par lo vot i pé ariv osi par in rapor fors kont lokipan apré koman sra fé listwar wa koz po nou i pé alé vit konm rès lontan inn koloni lafrans pars dan lo systèm politik noulé dodan ousa lafrans i done tout sat rényoné i domand koman ouvé néna ankor zindépandantis i lèv an poundiak. Mé tansyon pangar la sène lasistana i pé kas vitman parkoman ? Ariv lafrans i tonb an fayit pars lékonomi lé dann malizé, linyon éropèinn i pèt an flèr ousa bonpé bann rézyon L'UE i domann zot lindépandans konm ékzanp rézyon Catalogne i vé kit L'Espagne minm avèk in vot po lindépandans L'Espagne i vé pa antann kozé (i vé tout dir po nou osi inn sékat si néna in mazorité i domand lindépandans larényon sra malizé po done anou) apré pa tro lontan sa L'Ecosse la osi bann Zanglé lé fé tout po pa i giny lindépandans é vèy lapankor fini na dot wa swiv wa fé dan in révolt rant bann zéta lérop é lafrans sra oblizé libèr zot bann dèrnyé koloni osi i pé pèt in ti gèr mondyal (lo gro si i ariv na pi riyin) tout lé bloké na pi riyin i rant Larényon ni larzan, ni manzé pars tout i sort an frans alor kosa lo pèp i fé li sa pa atann, nora in soulèvman lé sir wa fane dan tout bor batay ant domoun, batay ant kominoté, pars té abityé èt asisté kan lo vant lé vid i tyinbo pi bout, batay po konèt kisa i sa pran lo péi anmin minm sat té kont lindépandans zot wa sobat po prann lo péi anmin i fé pa pèr azot tout i pé arivé sé posa zordi minm fo zindépandantis i fé linité i arèt manz lo ki in na lot po komans organizé po travay ansanm (mèt nout diférans parkoté anon travay po lo pèp) po mèt anplas in program politik po prann anmin lo péi si malèr larivé akoz pa ''in gouvèrnnman préparasyon lindépandans'' pa bézwin kont aryink si zélèksyon si domin bèzman la pété lékip gouvèrnnman-là lé pré po défann inn révolt ou gèr an domoun isi Larényon sé posa mi di san in vot in zour larényon nora lindépandans apré dan la min kisa sa osi listwar wa koz po nou mé nou pé anpès sa tonb dan bann mové min si tout swit néna in lékip sèryé po organiz ''in gouvèrnnman préparasyon lindépandans'' san violans mé dan lapé po prépar nout lindépandans san èt oblizé partisip bann zélèksyon kolonyal (zot wa di rèsponsab Zournal Démaliz lé fou ankor in komik i koné pa kozé i di ou i rèv kan warivé zour bann lang wa bat pé tèt mi war arpa mé nora wa maziné kan minm mon bann kozé). Mé i pé ariv osi lo pèp i désid swazi zoutiy zélèksyon kolonyal po domand lindépandans é la osi fowar si lafrans lé dakor po doné é i rèspèk vèrdik biro vot ??

Rédaksyon Zournal Démaliz ‘’ In Not Manirwar Lavnir Larényon ‘’

Fo démaladé nout sosyété

In zartik fé na in boutan sa bon lèktir azot ...

Si romèt pa ankoz dan systèm noulé dodan zordi po fini èk violans, viol, drog tout kalité zafèr lapo gangrinn nout sosyté é téroriz domoun san défans é bézwin zot trankilité kont pa sat i diriz anou po tir nout péi dann linsikirité nou viv dodan zordi séposa fo Larényon i pran anmin son dèstin po giny mèt anplas inn politik sikiritèr po lité podvréman kont tout kalité violans néna dan nout lavi toulézour. Si zordi dann systèm départmantalis ousa nout sosyété lé maladé lé akoz lé in péi asisté, somaz for, domoun na pi ropèr, bann zèné lé an pèrdisyon, konsomasyon sovaz sat néna i viv byin sat na pwin i ral gongon lamizèr tousala i fé in dékalaz nout sosyété i baskil dan in péi non drwa apré na bonpé zafèr po rowar andéor lo stati départman lé in not modèl sosyété anou minm rényoné maziné kosa nou vé po in Larényon ousa sakinn i rèspèk in na lot...
Rédaksyon Zournal Démaliz ‘’ In Not Manirwar Lavnir Larényon ‘’