jeudi 30 juillet 2015

In kozman po maziné

Zournal Démaliz léla po fé prann konsyans bann rényoné ke noulé kap pran nout destin anmin mé rèvla lé ankor lwin mé fo komans par tras bann sérédiyon po domin po linstan pèp rényoné lapa pré è lapèr sort dan lo joug kolonyal lé normal avèk tout fasilité kolonyalis fransé i done é lavaz sèrvo zot bann zoutiy lé anplas fé lo gran sanzman sra pa po domin nora ankor lalit po mémé é koutkony po fé prann konsyans bann rényoné ke noulé kap pran anmin nout péi sé posa i fo kontinyé fane la sémans po bann zène i lèv intras po zot roprann flanbo lalit po domin.

Rédaksyon Zournal Démaliz – ''Web Zournal Larényon''

Po konèt :

Si zot i ropran lartik po fé konèt oubli pa di ousa i sort i kont si zot.

Rédaksyon Zournal Démaliz – ''Wèb Zournal Larényon'' http://zournal-demaliz.blogspot.com/

mercredi 29 juillet 2015

Pran pa zot konm in sovèr

Lapa an fézan zoli somin done ti kontra plant flèr partou dann somin ke i fo mèt anlèr zot Mèr tousala lé matèryèl sat lé plis inportan po nout popilasyon sé in vré travay, lavi mwin sèr, lakaz atèr fo arèt anmar nout lèspri èk lo Mèr zot lapa bondyé pran anou anmin po diriz nout lavnir.

Rédaksyon Zournal Démaliz – ''Web Zournal Larényon''

Po konèt :

Si zot i ropran lartik po fé konèt oubli pa di ousa i sort i kont si zot.

Rédaksyon Zournal Démaliz – ''Wèb Zournal Larényon'' http://zournal-demaliz.blogspot.com/

Démay nout kiltir dan lamin bann militan kiltirèl départmantalis

Fo dénonsé lo trikmardaz lamin miz bann militan kiltirèl départmantalis si nout kiltir tank tousala sra dan lamin so bann militan nout kiltir sra touzour dann fénwar gard zot minm si zot té sobat povréman po nout lang, listwar, té fine rant partou é nout maloya té mi plis an valèr dann télé-radyo. Alor sé posa i fo bann vré militan patriyot kréol rényoné i lèv po lité kont so bann propagand mantèr si nout kiltir kan i ariv in malèr tout lo pakoti militan kiltirèl départmantalizé i di té in gran militan mé kèl tras zot lalésé si lapa divizyon militantis kiltirèl ousinon rès dan zot léogosité lorgèyman. Mandoné fo zot i arèt èk lipokrizi si nout kiltir.


Rédaksyon Zournal Démaliz – ''Web Zournal Larényon''

Po konèt :

Si zot i ropran lartik po fé konèt oubli pa di ousa i sort i kont si zot.

Rédaksyon Zournal Démaliz – ''Wèb Zournal Larényon'' http://zournal-demaliz.blogspot.com/